Македонски (Macedonian)
Banner
Banner
Banner

Награди

Municipalities

Banner

Повик за модератор за тркалезни маси

ПОВИК ЗА ИЗБОР НА МОДЕРАТОР ЗА ТРКАЛЕЗНИ МАСИ ЗА ПОДОБРУВАЊЕ НА МЕЃУСЕБНАТА СОРАБОТКА НА СЕКТОРИТЕ КОИ ДИРЕКТНО КОМУНИЦИРААТ СО ЖРТВИ НА СЕМЕЈНО И РОДОВО БАЗИРАНО НАСИЛСТВО

1. Контекст на задачата

Националниот совет за родова рамноправност (НСРР) е национална мрежа на 116 локални женски организации посветена на родова рамноправност, заштита на женските и човековите права, развој и градење мир. НСРР има мисија да ги промовира правата на жените, да работи на елиминација на сите форми на дискриминација на жените и на изградба на општество со еднакви можности за сите.

За спроведувањето на својата програма за 2022 НСРР обезбеди оперативен грант од фондови на Европската Унија. Во согласност со Стратегијата на НСРР, целта на годишната програма е да придонесе кон родова рамноправност и почитување на човековите права во Република Северна Македонија. Специфично во текот на 2022 година со поддршката обезбедена од ЕУ, НСРР ќе се стреми кон:

●      Зајакнување на ефективноста, ефикасноста, транспарентноста, отчетноста и одржливоста на мрежата и нејзините регионални центри;

●      Намалување на родово-базирано насилство, насилство врз жената и семејно насилство и реинтеграција на жртвите од родово-базирано насилство, насилство врз жената и домашно насилство;

●      Еднакво учество на жените во политичкиот и јавниот живот и во сите сфери на општеството;

●      Вклученост и активно учество на жените во процесите на прилагодување кон климатските промени.

Спроведувањето на активностите од годишната програма е предвидено да биде следено од страна на надворешен експерт/ка.

2. Опис на работни задачи и испорачани услуги

Обучувачот/ката треба да подготви и испорача три тркалезни маси на тема: ПОДОБРУВАЊЕ НА МЕЃУСЕБНАТА СОРАБОТКА НА СЕКТОРИТЕ КОИ ДИРЕКТНО КОМУНИЦИРААТ СО ЖРТВИ НА СЕМЕЈНО И РОДОВО БАЗИРАНО НАСИЛСТВО.

Модераторот/ката ќе треба да развие методологија за спроведување на тркалезните маси во соработка со програмскиот менаџер и проектниот тим, како и да ги модерира истите. Од модераторот/ката се очекува да дејствува како неутрален учесник во дискусијата,  да обезбеди сите учесници да внимаваат на временските ограничувања за време на дискусијата како и да обезбеди што помало застранување од темата ипрашањата што се поставуваат за време на дискусијата. Воедно, модераторот/ката има задача да постави соодветен тон на разговорот како и, да ги поттикне гостите да учествуваат така што атмосферата ќе биде отворена и интимна.

Целта и содржината на тркалезните маси ќе биде :

Презентација на актуелната состојба што жртвите на семејно насилство ја пријавуваат на СОС линијата за семејно насилство при Национален совет за родова рамноправност, со цел да се обезбеди навремен, стручен одговор и решавање на проблемот на семејно насилство во корист на жртвите.

Планирани се три тркалезни маси со претставници од стручните оддели на државните институции на сите нивоа, како и претставници од граѓанскиот сектор.

2. Специфични активности и очекувани резултати

Следните активности треба да бидат реализирани од страна на модераторот/ката:

●     Да модерира три тркалезни маси;

●     Пред тркалезните маси да подготви предлог за тема и поттеми за дискусија за време на истите кои ќе ги сподели со раководителката на проектот;

●     Да обезбеди сите учесници да внимаваат на временските ограничувања за време на дискусијата;

●     Да развие и предложи методологија за оценка на тренингот;

●     После спроведениот тренинг да изготви и поднесе извештај најдоцна 7 работни дена по завршувањето на истиот.

●     Ќе обезбеди секој да добие шанса да се вклучи во дискусијата.

●     Да ја разгледа темата за дискусија со цел да обезбеди соодветна структура за поставување прашања и добивање одговори, модерирање на дискусија и евидентирање на промени во текот на дискусијата;

●     Ќе подготвено визуелно привлечни материјали и пријатни активности кои ќе овозможат брзи и ефективни дискусии;

●     Ќе се погрижи учесниците да се чувствуваат удобно да поставуваат прашања, како и да прифатат неосудувачки пристап кон гледиштата на останатите учесници;

●     Да се погрижи учесниците да не застрануваат од зададената тема;

●     Да им посочи на учесниците дека тркалезна маса ќе остане доверлива;

●     Да ги заклучува и сумира главните точки од состаноците, дискусиите и договорените изјави/дејства;

3. Времетраење и период на спроведување на активностите

За овој ангажман се предвидени вкупно 3 работни денови. Активностите треба да се реализираат во последната недела од месец мај 2022.

4. Квалификации и барања кои треба да ги задоволи експертот/ката

Обучувачот/ката се очекува да ги исполнува следните критериуми:

Општо професионално искуство

●     Високо образование од областа на општествени науки.

●     Минимум 5 години работнo искуство.

Специфично професионално искуство и вештини

●     Искуство во работа со претставници од државни институции, граѓански организации и даватели на услуги во областа на семејно и родово базирано насилство;

●     Широко познавање и работно искуство во рамките на легислативата поврзана со семејно и родово базирано насилство,

●     Одлично познавање на македонски јазик.

●     Одлични комуникациски вештини.

●     Способност за работење со кратки рокови и навремено испорачување на услуги.

5. Пријавување и избор

Заинтересираните кандидати/ки можат да се пријават со доставување на  следниве документи:

●     Писмо за изразување интерес;

●     Професионално CV;

●     Листа од три лица и нивни контакти за препорака од слични работни ангажмани;

●     Финансиска понуда, која вклучува надомест по ден во бруто износ изразена во македонски денари, со вклучен персонален данок на доход.

Пријавите треба да се достават најдоцна до 20.05.2022 на е-пошта: This e-mail address is being protected from spambots. You need JavaScript enabled to view it и This e-mail address is being protected from spambots. You need JavaScript enabled to view it , со предмет: Апликација за МОДЕРАТОР ЗА ТРКАЛЕЗНИ МАСИ НА ТЕМА ЗАЕДНО ДО МЕЃУСЕКТОРСКИ ОДГОВОР.

Критериуми за избор на модераторот/ката се претходното релевантно професионално искуство, квалитетот на предложената методологија и финансиската понуда. Кандидатите/ките кои ќе влезат во потесен избор може да бидат повикани на интервју. Апликации со нецелосна документација нема да се разгледуваат.

 

Повик за избор на обучувач за тренинг на тема лобирање и застапување

ПОВИК ЗА ИЗБОР НА ОБУЧУВАЧ ЗА ТРЕНИНГ НА ТЕМА ЛОБИРАЊЕ И ЗАСТАПУВАЊЕ

 1. Контекст на задачата

Националниот совет за родова рамноправност (НСРР) е национална мрежа на 116 локални женски организации посветена на родова рамноправност, заштита на женските и човековите права, развој и градење мир. НСРР има мисија да ги промовира правата на жените, да работи на елиминација на сите форми на дискриминација на жените и на изградба на општество со еднакви можности за сите.

За спроведувањето на својата програма за 2022 НСРР обезбеди оперативен грант од фондови на Европската Унија. Во согласност со Стратегијата на НСРР, целта на годишната програма е да придонесе кон родова рамноправност и почитување на човековите права во Република Северна Македонија. Специфично во текот на 2022 година со поддршката обезбедена од ЕУ НСРР ќе се стреми кон:

  • Зајакнување на ефективноста, ефикасноста, транспарентноста, отчетноста и одржливоста на мрежата и нејзините регионални центри;
  • Намалување на родово-базирано насилство, насилство врз жената и семејно насилство и реинтеграција на жртвите од родово-базирано насилство, насилство врз жената и домашно насилство;
  • Еднакво учество на жените во политичкиот и јавниот живот и во сите сфери на општеството;
  • Вклученост и активно учество на жените во процесите на прилагодување кон климатските промени.

Спроведувањето на активностите од годишната програма е предвидено да биде следено од страна на надворешен експерт/ка.

 2. Опис на работни задачи и испорачани услуги

Обучувачот/ката треба да подготви и испорача дводневен тренинг за “Лобирање и застапување“ наменет за  15 учеснички од 4 женски организации од мрежата на Национален совет за родова рамноправност.

Обучувачот/ката ќе треба да развие методологија за спроведување на тренингот која ќе понуди комбинација од теорија и вежби за практична примена на теоријата. Од обучувачот се очекува  во координација со раководителката на проектот да ја развие програмата за обуката како и алатки за оцена.


Програмата за обуката треба да ги понуди/опфати следните тематски целини:

1. Дефинирање на поимот, цели и видови на застапување;

-          Влијание и моќ на убедување;

-          Клучни фактори на успех во застапувањето и лобирањето;

2. Идентификација на прашања за застапување и лобирање: застапување и лобирање во Македонија (успешни приказни, препреки, причини за успех/неуспех);

3. Стратегии за застапување и лобирање;

4. Техники на застапување и лобирање -  како да им пристапиме на доносителите на одлуките;

5. Легитимност и отчетност во застапувањето и лобирањето;

6. Законска рамка во застапувањето и лобирањето и креирање политики;

7. Истражување, документација и набљудување;

8. Децентрализацијата и можностите на граѓанското општество – прашања за застапување и лобирање во локалните области (партиципација во локалната демократија, набљудување на локалната влада, влијание на политиките, воспоставување соработка/партнерства);

9. Цели, партнерства и сојузи;

 2. Специфични активности и очекувани резултати

Следните активности треба да бидат реализирани од страна на обучувачот/ката:

  • Да развие програма за тренингот;
  • Пред тренингот да подготви презентации и вежби кои ќе ги сподели со раководителката на проектот;
  • Да го спроведе тренингот;
  • Да развие и предложи методологија за оценка на тренингот;
  • После спроведениот тренинг да изготви и поднесе извештај најдоцна 7 работни дена по завршувањето на истиот.

3. Времетраење и период на спроведување на активностите

За овој ангажман се предвидени вкупно 2 работни денови. Активностите треба да се реализираат во третата недела од месец април 2022.

4. Квалификации и барања кои треба да ги задоволи експертот/ката

Обучувачот/ката се очекува да ги исполнува следните критериуми:

Општо професионално искуство

  • Високо образование од областа на општествени науки.
  • Постдпломски и докторски студии ќе се сметаат за предност.
  • Минимум 10 години работнo искуство.

Специфично професионално искуство и вештини

  • Искуство во спроведување обуки (предност ќе имаат оние кои имаат искуство со испорака на обуки на предвидените теми);
  • Испорачани најмалку 5 обуки на тема: лобирање и застапување;
  • Искуство во работа со претставници од женски граѓански организации;
  • Одлично познавање на македонски јазик;
  • Способност за работење со кратки рокови и навремено испорачување на услуги.

 5. Пријавување и избор

Заинтересираните кандидати/ки можат да се пријават со доставување на  следниве документи:

  • Писмо за изразување интерес;
  • Професионално CV;
  • Методологија (план за задачата);
  • Листа од три лица и нивни контакти за препорака од слични работни ангажмани;
  • Финансиска понуда, која вклучува надомест по ден во бруто износ изразена во македонски денари, со вклучен персонален данок на доход.

Пријавите треба да се достават најдоцна до 04.04.2022 на е-пошта: This e-mail address is being protected from spambots. You need JavaScript enabled to view it и This e-mail address is being protected from spambots. You need JavaScript enabled to view it , со предмет: Апликација за ОБУЧУВАЧ ЗА ТРЕНИНГ НА ТЕМА ЛОБИРАЊЕ И ЗАСТАПУВАЊЕ.

Критериуми за избор на обучувачот/ката се претходното релевантно професионално искуство, квалитетот на предложената методологија и финансиската понуда. Кандидатите/ките кои ќе влезат во потесен избор може да бидат повикани на интервју. Апликации со нецелосна документација нема да се разгледуваат.

 

Оглас за вработување на проектен координатор - СОС линија

Сојуз – Национален совет за родова рамноправност

Објавува оглас за вработување на проектен координатор/ка

Програма: СОС мобилна национална линија за поддршка на жртви на семејно насилство

Позицијата предвидува половина работно време (20 часа неделно) со ретки попладневни ангажмани при организација на настани, како и можност нефреквентни патувања во земјата и во странство. Поради тековната пандемија, тимот на НСРР комбинира работа во канцеларија со работа од дома, со флексибилно работно време.

Вработувањето е од времен карактер со потенцијал за продолжување на работниот договор на неопределено време.

Позицијата овозможува можности за личен развој и надградба, динамична работна средина и колективен одмор за новогодишните празници (покрај законски предвидените денови за одмор).


Oпис на позицијата:

  • Планирање и спроведување на активностите во рамки на проектот „СОС мобилна национална линија за поддршка на жртви на семејно насилство“ ;
  • Координирање со распоредот на пет операторки на СОС линијата;
  • Подготвување на месечни и финални извештаи за проекти кои се во нејзина/негова надлежност;
  • Редовно следење и запознаеност со развојот на јавните политики во државата во  тематската област (семејно насилство, насилство врз жените и родово базирано насилство) и известување на раководниот тим за потенцијални можности за интервенции;
  • Анализирање на регулатива и стратешки документи и подготвување сумарни аналитички извештаи поврзани со тематската област;
  • Учествување во дизајн и подготовка на истражувачки проекти во тематската целина;
  • Во соработка со тимот на извршната канцеларија, организирање на конференции, работилници и други настани во рамките на тематскарта област;
  • Претставување на организацијата на различни настани поврзани со тематската област;


Критериуми за аплицирање:

  • Најмалку 3 годишно работно искуство, по можност во невладиниот сектор и на тема родова еднаквост/женски права;
  • Завршени додипломски студии во релевантна област од општествените науки;
  • Работно искуство кое вклучува спроведување на проекти, а особено од областа на родовата еднаквост;
  • Проактивност и висока исполнителност со минимален надзор;
  • Одлично познавање на Microsoft Office пакетот;
  • Одлично познавање на македонски и англиски јазик;
  • Запознаеност со политичкиот контекст во државата, особено во областите на делување на организацијата;
  • Одлични меѓучовечки и комуникациски вештини;


Услови:

  • Избраниот/та кандидат/ка ќе работи со скратено работно време;
  • Можност за напредување и кариерен раст согласно работната успешност;
  • Одлични услови за работа во средина со амбициозен и професионален тим.


ПОТРЕБНА ДОКУМЕНТАЦИЈА

-Биографија (CV)

-Мотивационо писмо

Заинтересираните кандидати се молат своите пријави да ги достават најдоцна до 04.03.2022 на следните е-mail адреси:

TO: This e-mail address is being protected from spambots. You need JavaScript enabled to view it

CC: This e-mail address is being protected from spambots. You need JavaScript enabled to view it

Subject: Апликација за работно место: проектен координатор/ка

Сите апликации ќе бидат третирани како строго доверливи. Со праќањето на апликацијата, се согласувате Вашите лични податоци да бидат користени за пополнување на слободните работни места во рамките на Сојуз-Национален совет за родова рамноправност, сè додека не нè контактирате за да ја повлечете вашата согласност. Доколку Вашите квалификации одговараат на нашите потреби, ќе Ви се обратиме за да Ве повикаме на разговор.

 

Mums In Power

Проектот Mums In Power е фокусиран на едукација на возрасни и невработени мајки кои се соочуваат со двојни/повеќекратни недостатоци. Истиот ќе биде спроведуван до почетокот на 2024 година. Идејата на овој проект е:

• Да се развие, оцени и дистрибуира обука на едукатори за возрасни што ќе ги насочи и промовира нивните тренинзи како мајки претприемачки (mumprenuers), обезбедувајќи им висококвалитетна обука за вештини за претприемништво.

• Да се понуди курс за обука за претприемнишво кај мајките на персоналот, за да може да обезбеди подобра и посоодветна услуга на mumpreneurs, овозможувајќи им да ги надминат стереотипите и да градат работни места во start-up светот.

Водечка организација на овој проект е Stichting Vrouw en Welzijn -  Холандија, додека партнерски организации овој проект се Asociacion Egeia Desarrollo Social – Шпанија, Union- National Council for Gender Equality - Република С. Македонија, Buyuk Ortadosu Saglik Ve Egtim Vakfi – Турција, Stando LTD – Кипар и Stichting Sunny Days – Холандија.

Проектот има за цел:

1. Подобрување на пристапот до образование за претприемништво и социјално претприемништво за невработените мајки, особено оние кои се соочуваат со повеќе пречки (самохрани мајки, бегалци, ниски примања, жртви на семејно насилство, мајки со попреченост и социјални потреби).

2. Да ги поттикне мајките кои се невработени или неактивни да преземат ризик да започнат сопствен бизнис.

3. Поддршка и помош на родовата еднаквост на пазарот на трудот.

4. Да се помогне на невработените мајки да започнат сопствен бизнис во новата економија преку охрабрување и насочување.

5. Да се поттикнат невработените мајки да ги научат основните вештини и компетенции.

6. Да се обучат возрасни едукатори за едукација на најефикасните стратегии за обука за идните мајки.

7.  Да се поддржат мајките во градењето на нивната самодоверба, како и да ја прошират нивната мрежа, зајакнувајќи го нивниот круг.

8. Да им овозможат на работниците на едукаторите за возрасни со вештини за обука за да можат да ги поддржат мајките да го развијат нивното претприемнички вештини.

 

Мисија, визија и цели на НСРР 2022-2025 година

Мисија, визија и вредности

Мисија: промоција на правата на жените како човекови права, елиминирање на сите форми на дискриминација кон жените и градење општество со еднакви можности.

Визија: родова еднаквост, загарантирани права на жените, елиминирање на дискриминацијата на жените во општеството и семејството, развој и мир.

Вредности на кои се заснова работата на НСРР: еднаквост, ненасилство, толеранција, солидарност, комуникација и соработка, граѓански активизам, одржлив развој, транспарентност, мултикултурализам, почитување и заштита на човековите права, партиципативна демократија, социјална правда и вклученост.

Стратешка рамка на НСРР за 2022-2025 година

  • Стратешка област 1: Институционален развој и организациско зајакнување на мрежата

Стратешка цел на програмата: Ефективна, ефикасна и одржлива организација и регионални центри

  • Стратешка област 2: Превенција на родови стереотипи, сексизам, насилство врз жените и семејно насилство

Стратешка цел на програмата: Намалување на родовото насилство, насилството врз жените и семејното насилство, реинтеграција на жртвите на семејно и родово насилство

  • Стратешка област 3: Економско зајакнување на жените, со посебен фокус на жените од руралните средини области и социјално претприемништво

Стратешка цел на програмата: Подобрување на социјалната и економската положба на жената во урбаните и руралните средини.

  • Стратешка област 4: Жени, лидерство и учество

Стратешка цел на програмата: Еднакво учество на жените во политичкиот, јавниот живот и сите други аспекти на општеството

  • Стратешка област 5: Родова еднаквост и климатски промени

Стратешка цел на програмата: Жените подеднакво се вклучени и учествуваат во процесот на адаптација на климатските промени

  • Стратешка област 6: Жени, мир и безбедност

Стратешка цел на програмата: Мир во земјата и мир во регионот

 

 

Donors








Member of: