Кои сме ние

Сојузот на организациите на жените на Македонија е невладина женска организација, формирана во октомври 1994 година од 13 независни женски организации од различни градови од Република Македонија. Од своето основање СОЖМ функционира како мрежа од 70 организации членки. Овие организации се различни по својата структура и интереси. СОЖМ е мултиетничка мрежа на македонски, албански, ромски, српски и влашки организации. Исто така, членови на мрежата се Организација на самохрани мајки, Организација на жени од трето доба (Ветеранки), група на жени формирана со интерес како група на жени од руралните региони, жени од науката, бизнис жени (претприемачки) и мигрантки.