Младински центар "Отворен Простор"

Во рамките на Сојузот на Организациите на Жените на Република Македонија функционира: Младински центар ”Отворен простор”.
Целта на овој центар е придонес кон јакнење на свеста на младата популација и нивно интегрирање во заедницата врз основа на градење на позитивни ставови и релации за себе и другите. Центарот за млади е збогатен со различни активности кој им овозможува на младите дел од своето слободно време да го поминат корисно, да се информираат, да ја развијат својата креативност и инвентивност, својата способност за критичко размислување и јакнење на самодовербата, како и можност да ја осознаат својата позиција и улога во општеството.

Специфични цели:

•  Помош и поддршка на младите во препознавањето и надминувањето на потешкотиите кои се најактуелни за време на адолесценција;
•  Стимулирање и развивање на когнитивни вештини, креативност и инвентивност;
•  Зајакнување на самодовербата на младите;
•  Воспоставување на контакти, размена на искуства и нови иницијативи за соработка кај младите во регионот.

Целна група:

Млади лица на возраст од 14 - 27год. со различна етничка, верска и социо-економска припадност.

Активности:

•  СОС линија и советувалиште за млади
•  Организирање на обуки и искуствени работилници
•  Летна школа

Обуки и искуствени работилници

Во рамките на обуките и искуствените работилници младите ќе можат меѓусебно да се едуцираат, дружат, слободно да го диктираат темпото на работа со наметнување на интересни теми за разгледување и дискусија.

Видови на обуки :

•  Демократија и човекови права;
•  Родови односи и развој;
•  НВО, волонтеризам и односи со јавноста;
•  Комуникациски вештини;
•  Насилство;
•  Економија и вработување;
•  Нелегална трговија со луѓе;
•  Адолесцентна бременост и превенција од сексуално преносливи болести

Искуствени работилници -за психо-социјална поддршка на младите и учење на различни вештини:

- социјални,
- когнитивни;
- вештини за справување со емоции.

Летна школа

Во план е да се организира десет дневен престој на млади од внатрешноста на Р.Македонија и од соседните држави, со цел младите да се дружат, да разменат искуства, активно и креативно да го искористат слободното време. Содржината на летната школа ќе биде од едукативен, неформален и од забавен карактер.

СОС

Сите млади кои имаат потреба низ разговор да ги споделат своите проблеми од секојдневниот живот, да бидат сослушани и разбрани може да се јават
секој работен ден од 09.00ч до 17.00ч

тел. 3110 - 162

Основни принципи на СОС линијата:

•  Анонимност;
•  Дискреција;
•  Доверба;
•  Почитување;
•  Недискриминирање по ниедна основа