Овој прирачник иако превенствено е наменет за жени кои немаат искуство во работење со медиуми е дизајниран за секој кој сака да се запознае и да се обучи за работа со медиумите. Можат да го користат жени кои живеат во селска средина како и оние жени кои живеат во поголеми метрополитски области. Бидејќи, се надеваме дека ќе се користи во многу различни култури, ве поттикнуваме да ја прилагодите содржината на прирачникот кон потребите на луѓето со кои работите. Со додавање на ваши специфични искуства, значително ќе ја зголемите корисноста на овој прирачник.
Нема ништо мистериозно во работата со медиумите. Всушност, вие веројатно веќе знаете се што треба да знаете за да ги известите медиумите за вашата тема, или организација. Овој прирачник првенствено е наменет да ви помогне за равивање на вештините кои веќе ги поседувате.
Развивањето на тие вештини зема време и напор. Потребно е храброст за да се застане пред поголема група луѓе, или пред телевизиска камера. Една од целите на овој прирачник е да ве оспособи за давање на значајно интервју или одржување на инспиративен говор, накратко да добиете медиумско признание за вашата работа. Не смееме да и дозволиме на нервозата, или на неискуството да не спречат во зборување. Гласот на жените треба да се слушне.
Една од најдрагоцените, тешко стекнати слободи е слободата да зборуваме и јавно да ги искажуваме нашите мислења. Денес, во светот може да се слушне гласот на оние жени кои порано молчеа. Време е жените кои се способни за работа со медиумите да го споделат своето искуство со жените кои штотуку почнуваат јавно да го искажуваат својот глас.
Ние се надеваме дека вој прирачник ќе ви помогне да ги искажете јавно вашиот глас. Еден од друг може многу да научиме.

Превземено и одобрено од Американската Информативна Агенција