Мултиетничко јазично училиште

Мултиетничкото јазично училиште е формирано во 2002 год. во склоп на Женскиот центар- СОЖМ, чија визија и мисија се: толеранција, дијалог и промоција на различните културни вредности на етничките заедници кои живеат во Македонија.

Целта на програмските активности на мултиетничкото јазично училиште е:

•  Надминување на јазичните бариери помеѓу различните етникуми;
•  Подигање на свеста за различни културни вредности и негување на истите;
•  Воочување и прифаќање на меѓусебните сличности и разлики.

Програмата на мултиетничкото јазично училиште е фокусирана кон изучување на следните јазици:

- Албански јазик- почетен и продолжителен курс;
- Турски јазик- почетен и продолжителен курс;
- Англиски јазик- почетен и продолжителен курс;
- Македонски јазик- за државјани на РМ и странски државјани.

Времетраењето на курсевите е три месеци за секој степен.

Упис на нови кандидати се врши на почетокот на школската година, односно во септември по пат на конкурс кој се објавува во дневните весници. Во овие три години курсевите ги посетиле над 80 кандидати од различна национална, образовна, старосна и полова структура.
Најголем број на посетители се: ученици, студенти, вработени лица во јавната администрација, здравството, образованието, судството и др.
Мултиетничкото јазично училиште е проект кој го реализираме со сопствени ресурси и преку самоодржливост.