Кога една пеперутка ќе трепне
Со крилцата во мојата градина,
Целиот свет ќе се растреперува!

Ова мое лично искуство е мото на Женската визија. Ние возрасните сакаме да го планираме и да го водиме човековиот развој. Низ активен и креативен приод кон животот и проблемите кои тој ги наметнува создаваме визии за можносто. Но ги избираме само некои визии за кои зацртуваме конкретни чекори за да ги туркаме макотрпно и со многу љубов вон ашето катадневие.
Искуствата и трпеливоста во создавањето на визијата непосредно се сврзани со мојата 86 годишна мајка Роска Муџева. Таа, со својот личен пример, во почетокот на втората половина на 20-от век, ми овозможи како дете да ја почувствувам силата на жените сплотени во АФЖ за да ја остварат визијата за поправедно општество. Таа е жив сведок за парадоксот на Балканот и за мудроста како да се опстане. Од 1911 година, кога е родена мајка ми, без да се поместува, таа живее во седма држава и успеа да надживее три царства и шест режими на владеење. Се сеќава на разни војски кои доаѓале и минувале низ Македонија, секоја претендирајќи дека е последниот “ослободител” на народот. Во сите овие промени жените како најзначајни вредности ги истакнувале живото, мирот и трпението за да преживее семејството и човештвото.
Овде ја споделувам мојата радост со жените здружени во Сојузот на Организациите на Жените на Република Македонија (СОЖМ) што женската визија се преточи во вој текст. Ова е визија во која ние секојдневно во текот на овие десет години (1994-2004) заедно ги проткајуваме нашите искушенија, потреби и фантазии. Женската визија е насочена кон културата на мирот, почитување на живото, социјалната правда, човековите права и интеркултурните вредности.
Поддршка и голем поттик за градење на женската визија…

Авторката
Олга Мурџева Шкариќ